Құқықбұзушылықтың алдын алу бойынша профилактикалық әңгіме жүргізді.

Наурызбай ауданы, «С. Көпбаев атындағы №186 ЖББМ» коммуналдық мемлекеттік мекемесінде 2023 жылы қараша айының 9 күні 5-11 сынып оқушыларына директордың тәрбие ісі жөніндегі орынбасарлары және ювиналды полиция майоры Нұғыманов Ермек Бекқалиұлы, полиция лейтенанты Акназаров Галымжан Курбанбаевич қатысуымен кездесу өткізілді. Кездесу барысында Нұғыманов Е. Б. құқықбұзушылықтың алдын алу бойынша профилактикалық әңгіме жүргізді. Кәмелетке толмағандардың құқықтық сауаттылығын арттырып, құқықбұзушылық және қылмыс белгілерімен, олардың түрлерімен таныстырды. Оқушыларға ұсақ бұзақылыққа бармау, бір-біріне әлімжеттік көрсетпеу керектігі, біреудің затын рұқсатсыз алмау сияқты бірқатар ескертулер айтылып, ондай жағдайлар орын алғанда әкімшілік айыппұл не есепке алу шаралары барын атап өтті. Аталған алдын алу шаралары оқушылардың өмір қауіпсіздігін сақтауға, мектептің ішкі тәртіп ережесін бұзбауға ықпал етеді.