Жасыл ел» бағдарламасы аясында мектеп ауласын көгалдандыру бойынша акция өтті

2025 жылғы 15 сәуірде «Жасыл ел» бағдарламасы аясында мектеп ауласын көгалдандыру бойынша акция өтті. Іс-шара Іле-Алатау мемлекеттік ұлттық табиғи паркі экологтарымен бірлесіп ұйымдастырылды. Бұл акцияның негізгі мақсаты – оқушыларға табиғатты аялау, экологиялық тәрбие беру, сондай-ақ қоршаған ортаны көгалдандырудың маңыздылығын түсіндіру болды.

Акцияға 8-9 сынып оқушылары белсенді қатысып, мектеп ауласында қылқан жапырақты ағаштар отырғызды. Эколог мамандар балаларға ағаш отырғызу тәртібін, күтім жасау жолдарын және жасыл желектің қоршаған ортаға тигізетін пайдасын түсіндіріп өтті. Іс-шара өте қызықты әрі тәрбиелік мәні жоғары деңгейде өтті.

Оқушылар табиғатты қорғау – әр адамның борышы екенін терең түсініп, қоршаған ортаға деген жауапкершілік сезімін арттырды. Алдағы уақытта мұндай игі шаралар дәстүрге айналып, тұрақты түрде өткізілетін болады.