С. Көпбаев атындағы №186 жалпы білім беретін мектепте оқушылардың жолдағы қауіпсіздігін арттыру және жол-көлік оқиғаларының алдын алу мақсатында іс-шара өтті. Шараға Наурызбай ауданының прокуроры Серік Дарын Махашұлы арнайы қатысып, оқушыларға «Жолда жүру ережелерін» жан-жақты түсіндіріп, құқықтық түсіндіру жұмыстарын жүргізді. Іс жүзінде ауыр жүк көліктерінің жүргізушілері көре алмайтын «соқыр аймақтар» көрсетіліп, нақты мысалдар арқылы оқушылардың танымы кеңейтілді.

С.Көпбаев атындағы №186 жалпы білім беретін мектебінде “Абай әлемі” атты тағылымды кездесу ұйымдастырылды. Іс-шараның мақсаты — оқушыларға хакім Абай Құнанбайұлының рухани мұрасын кеңінен таныту, ой-өрісін дамыту және адамгершілік құндылықтарды бойына сіңіру. Кездесу барысында: Оқушылар Абайдың қара сөздерін оқып, олардың терең мағынасына талдау жасады; Әрбір қара сөздің тәрбиелік мәні мен өмірлік қағидалары жөнінде ой бөлісті; Абайтанушылар тарапынан мазмұнды, танымдық жауаптар мен түсіндіру

Ұлы Отан соғысының 80 жылдығына орай 1-4 сынып оқушыларының қатысуымен патриоттық әндер кеші ұйымдастырылды. Балаларымыз Отанға деген сүйіспеншілігін ән арқылы жеткізіп, жүректерге жылы сезім сыйлады. Ерлік пен елдік ешқашан ұмытылмайды!

2025 жылдың 8 мамыр күні Наурызбай ауданына қарасты №186ЖББМ-де қала көлемінде ұйымдастырылған жалпықалалық сенбілік өтті. Сенбіліктің мақсаты – мектеп аумағын көгалдандыру, тазарту және оқушыларға табиғатқа деген сүйіспеншілік пен экологиялық мәдениетті дамыту болды. Іс-шараға мектептің оқушылары белсене қатысты. Олар мектеп ауласын тазалап, ағаштар мен гүлдер отырғызды, жол жиектерін ретке келтіріп, қоқыстарды жинады. Мұндай игі шаралар ұжымдық жауапкершілік пен еңбексүйгіштікті арттырып қана

Ұлы Отан соғысының 80 жылдығына орай 5-10 сынып оқушылары арасында “Ерлікке тағзым — болашаққа қадам” атты патриоттық парад ұйымдастырылды.Оқушылар сап түзеп, ұлт рухын көтерген ұрандар айтып, батыр бабалар ерлігіне тағзым етті.Бұл — тек парад емес, ұрпақ санасына ел тарихын сіңіру, Отанға деген сүйіспеншілікті арттыру сәті болды. Ерлік ешқашан ұмытылмайды, ал болашақ — осындай рухты ұрпақтың қолында!

1 мамыр – Қазақстан Халықтарының Бірлігі күніне арналған фестиваль! Бүгін біздің мектеп тек мерекені емес, бірлікті, татулықты, ұлттар арасындағы өзара құрмет пен достықты тойлады. Әр ұлттың биі, әні, ұлттық киімі мен дәмі тіл үйірер тағамдары — көрерменге керемет көңіл-күй мен ерекше әсер сыйлады! Бұл күн — әртүрлі мәдениеттің басын қосқан нағыз достықтың мейрамы болды! Бейбітшілік пен ынтымақтастыққа толы шара — әлі талай жүректерде сақталады деп сенеміз.  

Ұлы Отан соғысының 80 жылдығына орай “Жеңіс күні – бейбіт күннің бастауы” тақырыбында 5-8 сынып оқушылары арасында сурет байқауы ұйымдастырылды. Байқаудың мақсаты – жас ұрпаққа Ұлы Жеңістің маңызын түсіндіру, отансүйгіштікке тәрбиелеу және оқушылардың шығармашылық қабілеттерін дамыту. Іс-шара барысында оқушылар соғыс жылдарындағы ерлікті бейнелейтін түрлі суреттер салып, өз ойларын көркем түрде жеткізе білді. Жеңімпаздар алғыс хаттармен марапатталды.  

Сәуір- еңбекқорлық пен кәсіби біліктілік айы 

Мектебімізде “Қазақстан – біздің ортақ шаңырағымыз” тақырыбында сынып сағаты өткізілді. Сабақтың мақсаты – оқушыларға еліміздегі ұлттар арасындағы татулықты, бейбіт өмірдің маңызын ұғындыру, патриоттық сезім қалыптастыру болды. Қазақстан – біздің ортақ шаңырағымыз! Бұл елде әр ұлт, әр түрлі мәдениеттер мен дәстүрлер бірігіп, бір мақсатта, бір болашақта өмір сүреді. Біздің күшіміз – бірлігімізде. Тәуелсіздік пен бейбітшіліктің қадірін біліп, еліміздің өркендеуі жолында бірге атсалысайық!”  

«Ұмытылмас ерлік – ұрпаққа өнеге» Бүгін мектебімізде Ұлы Жеңістің 80 жылдығына орай тағылымды іс-шара — үш ұрпақтың кездесуі өтті. Кеш барысында ардагерлер, ұстаздар және жас ұрпақ өкілдері бір арнада тоғысып, ерліктің мәңгілік екенін дәлелдеді. Сондай-ақ, «Жас сақшы» әскери-патриоттық сыныптарының қабылдау рәсімі ұйымдастырылып, оқушылар Отанға адал болуға ант берді. Бұл — ұрпақтар сабақтастығы мен патриоттық тәрбиенің жарқын үлгісі.